happy meal

Kapag kasama ang mga kaibigan:

masaya.
makulit.
maharot.
busog-lusog.
happy meal :)

Kape, ano yun?

Kape. Kape. Kape. Maraming may gusto sa kanya, pero dahil nga maraming  nahuhumaling, hindi na ako makiki-agaw pa. Ayaw ko sa kape.

Una sa lahat, hindi masarap.
-hindi ko talaga gusto ang lasa ng kape. Ayaw ng dila ko–maarte masyado. At saka sa tuwing umiinom ako, ayaw matanggal yung lasa sa dila ko, ang hirap tuloy kumain ng ibang pagkain. Tuwing umiinom ako ng kape, wala na akong ibang nalalasahan kundi kape, kape, kape.

Ikalawa, ang hirap timplahin.
-Patatawarin. Tamad lang po talaga akong magtimpla. Ang hirap pang timplahin kung gaano kadami ang asukal, gatas, at kapeng ilalagay. At saka nagkatrauma na ako. Perstaym kong magtimpla ng kape, isang kutsara ang nilagay ko. ANG PAIT.

Ikatlo, nakakaihi.
-ewan ko ba. Hindi naman madami yung tinitimpla ko, pero mabilis napupuno ang pantog ko. Di ko nga maipaliwanag eh, ang weirdo. Naiihi na lang ako bigla. Paano pa pag papatulog ka na, istorbo, lalo ka lang hindi makakatulog. Masaklap pa, kung kailan tulog ka na, saka ka napa-ihi sa kama. Wee wee.

Ikaapat, hindi talaga ako nakakatulog.
-GRABE! Napapa-GRABE na lang ako kasi ang lakas talaga ng epekto sa akin ng KAPE. Mas malakas pa sa kapangyarihan ni Goku. Talagang hindi ako nakakatulog. Mulat ang mata; Pati ang eyebags ay nangingitim at lumalalim na. Tsk tsk! Kaya ngayon, ang sakit na ng ulo ko. Hindi talaga ako makatulog. Nakakaiyak.

At ika-lima, kulay kape.
-Sabi ng uncle ko, kaya daw sobrang umitim yung pinsan ko dahil sa kakainom niya ng kape. Syempre naniwala ako sa sabi ng matanda, malay ko bang pagdating ng edad 25 eh bigla na lang dumami yung melanin ko. Baka kung saan-saang parte ng katawan ko napupunta yung iniinom kong kape. YAY. Scary. Pero di naman ako masyadong naniniwala diyan… Kasi parang naniwala na rin ako na mula tayo sa mga unggoy. Eh, pero kasi… Ah basta! Ayoko sa kape! Ano nga ba yung kape?

###

Bakit kaya hindi naghahanda ng pagkain tuwing Independence Day, eh katunayan namang kaarawan ‘to ng Pilipinas?

Maligayang isang-daan at labing isang Kaarawan, Pilipinas.