dahil sa eroplanong papel…

Huling klase na. Filipino. Paboritong subject ni Batopik. Kahit abutin pa iyan ng alas otso ng gabi, papasukan pa rin niya yan. Kahit gabihin na siya at wala pa siyang masakyan pauwi, ayos lang basta’t nakapag-Filipino siya. Ganyan niya kamahal ang Filipino. Pero alam niyo ba, nagalit sa kanya ang kanyang prof sa Filipino…. Brrrrr…

…eh gumagawa lang naman kasi ako ng eroplanong papel eh, tapos nagalit na siya. Sabi pa nga niya sa akin, “Ano ba, Batopik! Gusto mo ipakain ko sa’yo iyang papel na ‘yan?” Oo naman. Kasalanan ko talaga. Joke siguro yun…pero hindi eh. Nasa harapan pa niya ako, at ang lutong pa ng pagkakasabi niya nun. Na-ouch lang ako. Nakakadistract ba talaga ang paggawa ng eroplanong papel? Eh habang ginagawa ko naman yun nakatago sa kanya eh, sa ilalim nga ng mesa yung kamay ko nun para hindi niya makita. Nanahimik na lang tuloy ako bigla. Hakhak. Tampururot. Pero nalungkot talaga ako, ganoon pala ang pakiramdam ng mapagalitan…nakakalungkot. Hakhak.